جرائم پیشہ افراد کی پریس کانفرنس جھوٹ کا پلندہ ہے، مینگورہ پولیس

(باخبر سوات ڈاٹ کام) مینگورہ پولیس نے جرائم پیشہ افراد کی پریس کانفرنس کوجھوٹ کا پلندہ قرار دیتے ہوئے الزامات کو مسترد کردیا۔ پریس کانفرنس کرنے والے فضل ہادی قمار خانہ چلاتا ہے اور سجاد حسین عادی جوا باز ہے۔ ایس ایچ او مینگورہ اختر ایوب نے وضاحتی بیان جاری کرتے ہوئے کہا کہ گزشتہ روز پولیس نے مینا بازار مینگورہ میں قمار خانے پر چھاپا مار کر نو قمار بازوں کو گرفتار اور داؤ پر لگی رقم ایک لاکھ اٹھاون ہزار روپے اور تاش کے پتے برآمد کئے تھے۔ وہ بعد ازاں عدالت سے جرمانہ ہوکر رہاہوئے۔ انہوں نے کہا کہ اس سے پہلے ان کے خلاف تھانہ مینگورہ میں کئی مقدمات درج ہیں۔