(باخبر سوات ڈاٹ کام)زرعی تحقیقی ادارہ مینگورہ میں وزیراعظم زرعی ایمرجنسی پروگرام کے تحت یک روزہ تربیتی پروگرام کا انعقاد ہوا۔ تربیتی پروگرام میں غلہ دار اجناس کے شعبے سے منسلک ملاکنڈ ڈویژن کے مختلف علاقوں میں چاؤل کے کاشتکاروں کو تربیت دی گئی۔ شعبہئ غلہ دار اجناس کے سربراہ ڈاکٹر نعیم احمد اور دیگر زرعی ماہرین نے کاشتکاروں کو چاول کی زیادہ پیداوار کے حصول کے مجوزہ جدید سائنسی طریقوں، ضرر رساں کیڑوں اور بیماریوں سے زہروں کے مناسب استعمال کے ذریعے بچاؤ، زمین کی زرخیزی بڑھانے کے لئے کھادوں کے موزوں استعمال اور تصدیق شدہ بیج کے استعمال کے فوائد سے شرکا کو آگاہ کیا۔
Swat