سوات، کورونا سے مزید دو مریض انتقال کر گئے

(باخبر سوات ڈاٹ کام) سیدو شریف تدریسی ہسپتال کے کورونا بلاک میں مزید دو مریض انتقال کر گئے جس کے ساتھ کورونا سے جاں بحق افراد کی تعداد503 ہوگئی۔ ہسپتال ترجمان ڈاکٹر نجیب اللہ کے مطابق گذشتہ چوبیس گھنٹوں کے دوران ہسپتال میں 15 نئے مریضوں کو داخل اور21 مریضوں کو صحت یابی کے بعد رخصت کیا گیا ہے۔ اس وقت ہسپتال میں 124 مریض زیرِ علاج ہیں۔ محکمہئ صحت کے مطابق سوات میں مثبت کیسوں کی شرح2.5 فیصد ریکارڈ کی گئی۔