(باخبر سوات ڈاٹ کام) ضلعی انتظامیہ سوات کی جانب سے عوامی مسائل کی شنوائی کے لئے سوات کے پر فضا سیاحتی مقام مدین میں کھلی کچہری کا انعقاد کیا گیا۔ ایک گھنٹے تک جاری رہنے والے اس کھلی کچہری میں مدین کے عوام نے مختلف مسائل، ضلعی انتظامیہ اور ضلعی محکموں کے سامنے رکھے۔ کھلی کچہری میں ایڈیشنل ڈپٹی کمشنر سوات ریاض علی خان اور متعلقہ محکموں کے سربراہان اور نمائندوں نے شرکت کی۔ ایڈیشنل ڈپٹی کمشنر سوات ریاض علی خان کا عوام کے سوالوں کا جواب دیتے ہوئے کہا کہ عوام کے لئے کھلی کچہری کا تواتر سے اہتمام کیا جارہا ہے۔ ان کا کہنا تھا کہ براہِ راست عوامی رابطوں کی وجہ سے مقامی عوامی مسائل حل ہورہے ہیں۔
ضلعی انتظامیہ کا عوامی مسائل کی شنوائی کے لئے مدین میں کھلی کچہری کا انعقاد
