موٹر وے ہماری لاشوں پر گزرے گی، عمر علی شاہ ایڈوکیٹ

(باخبر سوات ڈاٹ کام)موٹر وے زرعی اراضی پر نہیں ہماری لاشوں پر گزرے گی۔ کسی کو مار نہیں سکتے خودکو تو مروا سکتے ہیں۔ منصوبہ سوات کے عوام کا معاشی قتل ہے۔ ان خیالات کا اظہارسوات موٹروے فیز ٹو کے متاثرین عمر علی شاہ ایڈوکیٹ، اعجازالحق، وکیل احمد کانجو اور دیگر نے سوات پریس کلب میں پریس کانفرنس سے خطاب کرتے ہوئے کیا۔ انہوں نے کہا کہ حکومت موٹروے فیز ٹو کو دریائے سوات کے کنارے بنائے۔ موجودہ نقشہ اراضی مالکان کا معاشی قتل ہے، اسے واپس کیا جائے۔ سوات میں زرعی زمین ہے نہیں اور بچی کچی کو موجودہ منصوبہ تباہ کردے گا۔ موجودہ منصوبہ زرعی قوانین کے بھی خلاف ہے۔