تحصیل بابوزئی کوہر قسم سہولیات سے دور رکھا گیا ہے، محمد امین

(باخبر سوات ڈاٹ کام)سٹی کونسل بابوزئی سے میئر کے امیدوارو سابق ایم پی اے محمد امین نے کہا ہے کہ تحصیل بابوزئی کوہر قسم سہولیات سے دور رکھا گیا ہے۔یہاں کے نمائندوں نے بابوزئی کو مسائل کی آماجگا ہ بنادیا ہے۔منتخب نمائندوں نے عوامی مسائل کے حل کے لئے ٹھوس اقدامات نہیں اٹھائے بلکہ جو بھی آیا ہے، اپنے اور اپنے خاندان کو مالا مال کیا ہے۔ اگر اہلیان بابوزئی نے ترازو پر مہر لگایا تو بابوزئی کو ہر قسم سہولیات سے آراستہ کریں گے۔بابوزئی کو پھولوں کا شہر بناکر صاف و ستھرا ررکھنے کے لئے ہر حد تک جائیں گے۔ عوام سے مل کر اس تحصیل کو سرسبز و شاداب بنائیں گے تاکہ موسم کی بہتر ی کی وجہ سے عوام بیماریوں سے محفوظ رہ سکے۔ان خیالات کا اظہار سٹی کونسل بابوزئی سے میئر کے امیدوارو سابق ایم پی اے محمد امین نے محلہ اکرم، شاہدرہ میں انتخابی جلسہ سے خطاب کرتے ہوئے کیا۔