ٹیکس کے حوالے سے ہمارا موقف دوٹوک ہے، یوسف علی خان

(باخبر سوات ڈاٹ کام)سوات چیمبرآف کامرس اینڈ انڈسٹری کے سابق صدراورفاٹا، پاٹا چیمبرز ایکشن کمیٹی کے ممبر یوسف علی خان نے کہا ہے کہ ٹیکس کے حوالے سے ہمارا موقف بالکل واضح اوردوٹوک ہے۔ تاجر برادری اورصنعتکاروں نے اس سلسلے میں جوٹھوس موقف اختیارکیاہے، پورے ڈویژن کے عوام اس موقف کی مکمل حمایت کرتے ہیں۔ حکومت کی طرف سے ٹیکس میں ریلیف دینے کے لئے دوسال کی توسیع پررضامندی کسی بھی صورت قبول نہیں۔ ہمارامطالبہ ہے کہ دس سال تک ٹیکس ریلیف دینے میں توسیع کی جائے۔