(باخبر سوات ڈاٹ کام)دنیا بھر میں ہر سال 5 دسمبر کو مٹی کا عالمی دن منایا جاتا ہے۔ یونیورسٹی آف ایگریکلچر سوات کے شعبہ مٹی اور ماحولیاتی سائنسز نے ”زمین اور پانی زندگی کا ذریعہ“ کے موضوع پر ایک سیمینار کا اہتمام کیا۔ سیمینار کے مہمان خصوصی وائس چانسلر پروفیسر ڈاکٹر داؤد جان تھے۔ سیمینار میں تمام فیکلٹی ممبران اور طلبہ نے شرکت کی۔ پروفیسر ڈاکٹر محمد جمال خان (چیئرمین سوات یونیورسٹی میں مٹی اور ماحولیاتی سائنسز) نے ایک پریزنٹیشن پیش کی اور مٹی کے عالمی دن کے موضوع اور مٹی اور پانی کی اہمیت پر روشنی ڈالی۔ آخر میں، پروفیسر ڈاکٹر داؤد جان وائس چانسلر نے تعلیمی سرگرمیوں میں بڑھ چڑھ کر حصہ لینے پر مٹی اور ماحولیات کے شعبہ کے کردار کو سراہا۔ انہوں نے تمام شرکا کا شکریہ ادا کیا۔
Swat