ضلع کونسل سوات کا بجٹ اتفاق رائے سے منظور

سوات (باخبر سوات ڈاٹ کام)  ضلع کونسل سوات نے اپنا آخری 11 ارب 38 کروڑ 4 لاکھ 25 ہزار روپے کا بجٹ اتفاق رائے سے منظور کرلیا۔ ضلع کونسل کا اجلاس ضلع ناظم محمد علی شاہ کی زیر صدارت منعقد ہوا۔ کنوینر نثار احمد خان کی اجازت ممبران نے بجٹ پر بحث کی۔ ضلع ناظم محمد علی شاہ نے خطاب کرتے ہوئے کہا کہ بجٹ میں ترقیاتی بجٹ ایک ارب 25 کروڑ 49 لاکھ 59 ہزار روپے اور غیر ترقیاتی بجٹ 10 ارب 12 کروڑ 54 لاکھ 66 ہزار روپے شامل ہیں۔ انہوں نے کہا کہ اللہ تعالیٰ کا شکر ہے کہ ضلعی حکومت سوات کے لئے ضلع کونسل نے پانچواں بجٹ منظور کیا۔