امریکہ پلٹ ڈاکٹر میں کورونا وائرس کی تصدیق، گھر تک محدود

(باخبر سوات ڈاٹ کام) امریکہ سے سوات آنے والے ڈاکٹر میں کورونا وائرس کی تصدیق ہوگئی۔ ڈاکٹر جاوید عالم پانچ دن قبل امریکہ سے سوات کے علاقہ مانیار آیا تھا۔ ان کو شک ہوگیا تھا کہ ان میں کرونا وائرس ہے جس کی وجہ سے انہوں نے گھر والوں سمیت لوگوں سے ملنے سے انکار کیا۔ خود کو ایک کمرے میں قر نطینہ کیا۔ گذشتہ روز ٹیسٹ کے لئے پشاور گیا، جہاں ان کا ٹیسٹ پازٹیو آیا، جس کے بعد وہ ایبٹ آباد میں اپنے مکان میں منتقل ہوگیا ہے۔