(باخبر سوات ڈاٹ کام) یونیورسٹی آف سوات کے سینیٹ اجلاس میں مالی سال 2019-20ء سال 2020-21ء اور سال 2021-22ء کے بجٹ کی منظوری دی گئی۔ صوبائی وزیر برائے اعلیٰ تعلیم کامران بنگش کے زیرِ صدارت گورنر ہاؤس میں منعقدہ چوتھے اجلاس میں تمام ممبران سمیت سیکرٹری ہائر ایجوکشن، سیکرٹری فنانس اور سیکریٹری اسٹیبلشمنٹ بھی شریک ہوئے۔ یونیورسٹی آف سوات کی انتظامیہ نے تعمیراتی کام سمیت متعدد امور پر بریفنگ دی اور یونیورسٹی آف سوات کی علمی، تحقیقی اور ہم نصابی سرگرمیوں پر روشنی ڈالی۔ صوبائی وزیر کامران بنگش نے وائس چانسلر پروفیسر ڈاکٹر حسن شیر کو قلیل مدت میں سینیٹ اجلاس کے انعقاد اور یونیورسٹی میں جاری تعمیراتی اور تحقیقی کاوشوں کو سراہا۔
Swat