نامعلوم فرد کی جانب سے بینرز لگانے کی مذمت کرتے ہیں، سول سوسائٹی سوات

(باخبر سوات ڈاٹ کام) مینگورہ شہر سمیت سوات کے مختلف علاقوں میں صدارتی نظام کے حق میں بڑے بڑے بل بورڈز لگا دئے گئے۔ چوہدری ناصر محمود چیئرمین پاکستان عوامی لیگ نامی شخص کی جانب سے لگائے گئے بینرز پر لکھا ہے کہ چہرے نہیں، نظام بدلو۔ پاکستان کے تمام مسائل کا حل صدارتی نظام میں ہے۔ دوسری جانب سول سو سائٹی کی جانب سے ایک نامعلوم شخص کی جانب سے سوات میں اس طرح کے بینرز لگانے کی شدید مذمت کی گئی ہے۔ سول سوسائٹی سے تعلق رکھنے والے عطاء اللہ جان ایڈووکیٹ نے اس حوالے سے بتایا کہ سوات میں نامعلوم شخص کی جانب سے اس طرح کے بینرز لگانے کی ہم پُرزور مذمت کرتے ہیں۔ ان بینرز کو فوری طور پر اتارا جائے۔